:) Stærðin skiptir máli ;)

13.apríl

Fri, 13 Apr 2007 10:36:31 GMT

Þið allar duglegu, yndislegu dúllur.
Ég er á lífi, meira að segja með ágæta heilsu, þannig lagað séð.
það sem að er, er stjórnleysi, hömluleysi og vitleysa, endalaus.
Eftir að ég loksins náði mér af flensunni, hefur ekkert gengið hjá okkur Ívari.
Það er að segja að púkaskrattar og fól hafa algjörlega haft völdin í mínu lífi, með tilheyrandi óhollustu og sukki.
Þið ættuð að heyra ógeðslega hláturinn í Vigtoríu, já, já það hlakkar í henni helvískri, enda hefur hún efni á því.
það er ég sem er sem sagt í vondum málum og veit svo vel innst inni að ég vil ekki hafa þetta svona. Mig vantar bara eitthvað sem ég höndla ekki alveg, til að komast aftur í þann eina sanna gír.
Ég bið ekki um skilning, það er ekki hægt.
Ég sjálf, ein og óstudd, verð að gjöra svo vel og finna leiðina og fylgja henni.
Mér er það barasta nauðsyn.
Segi ykkur ekki hvað ég hef b ætt á mig.
Það er hræðilegt.
Heyrumst.

smásteinar falla........

Fri, 16 Mar 2007 10:13:28 GMT

Hæ dúlls.
Ég skal hafa þetta.
Stundum er þetta bara ekkert mál og svo hrynja örfáir smásteinar............
En sannleikurinn óumbreytanlegi er auðvitað sá að konan er ferlega veik á svellinu.
Það er svona álíka staðreynd og að 2x2=4
Veikleiki og kannski einhver segi.............sjúkleiki.
Ég fer samt ekki ofan af því að það er ekki bara óhóf og græðgi sem gerir fólk feitt.
Þegar ég kemst á almennilegt skrið á ný, já ég segi þegar, því ég mun komast aftur í góðan gír, þá endurskoða ég öll mín markmið og geri þetta að fræðilega yfirstíganlegum hólum.
Mér hættir til að halda að ég bara stökkvi yfir hæstu fjöll. En það er kominn tími til að læra það að tími kraftaverkanna er liðinn..............
...........eða er það ekki?

Ekki alslæmur

Wed, 14 Mar 2007 08:31:23 GMT

Góðan og blessaðan.
Í gær var bara nokkuð góður dagur hollustulega séð, en alls ekki danskur.
Mér næstum því býður við grænmetinu þessa síðustu og verstu tíma.
Ja, nema bara í litlum hóflegum skömmtum................
Er svo ósátt að ég bara set mér það fyrir að koma hingað og gera grein fyrir mínum málum.
Bið þess heitt og innilega að ég fái í það minnsta danskan hreim fljótlega.
Við þetta verður ekki unað.
Óska ykkur alls hins besta í dag............
:P:P

Aðhald

Tue, 13 Mar 2007 08:29:32 GMT

Góðan dag.
Já, það er ekkert auðvelt beint, að viðurkenna það að manni takist ekki að halda utan um Ívar eins og hann á skilið, þegar ekkert aðhald er.
Eftir áramótin tókst ekki að fá á fullt námskeið, til að ráðgjafi kæmi til okkar hér á Húsavík.
Ég greinilega þoli ekki frjálsræðið betur en þetta.
Held mér ekki við hann elsku Ívar, þrátt fyrir að ég viti nákvæmlega hvað mér er fyrir bestu og Ívar búinn að sýna mér þvílíka þolinmæði og hollustu.
Það væru margir sætabrauðsdrengirinir búnir að sparka manni útí hafsauga, en ekki Ívar, og samt er ég þessi trunta við hann.
Já, ég skammast mín fyrir framkomuna við hann og er ekki stolt af þessu.
Svo ég tali nú ekki um hversu óánægð ég er vegna ístöðuleysisins.
Fussumsvei.
Ætla að reyna að tala mig í ham.............
Eigið góðan dag dúlls

Í vondum málum

Mon, 12 Mar 2007 08:46:00 GMT

Hæ elskurnar !
Ekkert blogg, ekki hvísl, ekki hósi né stuna.
Hvað þýðir það?
Jú, ekki nema eitt og aðeins eitt.
Ég er ekki að standa mig neitt, alls ekki neitt :evil:
Ég er ekkert stolt af því, alls ekki............
Nú er bara að endurskoða stöðuna...........
Hvað ætlar konan að gera í málinu?
Gefast upp..................nei það má ekki.
Hvað þá???

Mánudagur

Mon, 05 Mar 2007 11:37:32 GMT

Hæ dúlls.
Mikið skratti gengur það hægt að ná orku aftur eftir flensuna.
Ég er bara alveg orðin gáttuð á þessu.
Hef ekki getað nokkurn dag lokið við skammtana mína, og vitið þið hvað...........
Viktoría bara stendur eins og hún hafi verið steypt á ákveðinn stað og haggast ekki.
Eitt og hálft kíló fór í veikindunum, en svo bara hefur Viktoría borað sínum alræmdu pinnahælum niður í svörðinn og stendur þar staðföst sem aldrei fyrr.
Vona að þetta fari að koma.
Heyrumst yndislegar
:$:$:$

Allt á uppleið...........

Thu, 01 Mar 2007 13:24:48 GMT

Hæ,hæ.
Fyrsti miorguninn í langan langan tíma sem mér fannst ég vakna nokkurn veginn frísk.
Og mikið var.................liggaliggalá :lol:
Það gengur fínt í mataræðinu.
Veit samt að ég er ekki að klára skammtana eftir Ívars formúlunni.
Til þess hef ég ekki haft orku í...........en allt sem ég borða er inná lista Ívars míns.
Hann hefur samt ekki alveg lagt frá sér allar áhyggjur vegna mín og sætabrauðsdrengjanna allra.
Hann veit best allra hversu hrikalega veik ég er á því svelli.
Við reynum bara að leiðast þetta framávið og vona það besta.
Alla vega þá er allt gott þessa dagana.
Lofa að blogga meira með hækkandi sól og batnandi heilsu.
Það er mér bara nauðsyn að hafa ykkur og bloggið til að standa svellið.
Eigið góðan dag dúlls
knúsíkrús
:P:P:P

gengur afar hægt

Mon, 26 Feb 2007 13:27:06 GMT

Hæ essguddnar.
Ég ræflast þetta í vinnunni og er svo alveg sprungin eftir vinnudaginn.
Mér gengur afar hægt að ná orkunni upp eftir veikindin.
Er samt að reyna að digga við Ívar og það gengur alltaf betur og betur eftir því sem ég hressist meira.
Þetta bara SKAL koma.
Skrifa meira seinna.
Knús í krús

...........aumingi með........

Fri, 16 Feb 2007 20:50:21 GMT

Hæ, hæ........
Þriðji dagurinn minn í bælinu og er enn alveg að hengjast :cry:
Vorkenni sjálfri mér heil ósköp og snýti mér á milli.
En svona er þetta bara.............reyni að vera almennileg svo ég hafi þetta úr mér sem allra fyrst.
Héðan í frá hlýtur þetta bara að vera uppávið. Alla vega komin á bloggið.
Tölum síðar um Ívar og ástina...:(
Góða helgi yndislegar.
þakka ykkur fyrir að vera til. :P

...........já.......mætt ;)

Wed, 14 Feb 2007 10:24:03 GMT

Hæ, hæ.
Fínni ferð til Kaupmannahafnar lokið. Dálítið sérstakt að vera svona einn á ferð.
Var ekki fyrr komin heim en kvef og lasleiki herjar á mig.
Er heima og vorkenni sjálfri mér frekar mikið.
Við Ívar erum að reyna að ná saman aftur, verð að viðurkenna að það gengur alla vega.
Finn samt inn í hjarta mínu að þetta verður að takast hjá okkur, mér er það beinlínis nauðsyn.
Svo nú er bara að flýta sér að ná heilsu og biðja svo hjartaknúsarann hann Ívar um gott veður.
Hann er eins og þið vitið dásamlega þolinmóður og frábær í alla staði.
Maður má bara ekki missa lystina á honum hmmmmmmmmmmm ;)
Heyrumst dúllur

ekki leitarflokk...............

Fri, 02 Feb 2007 22:59:10 GMT

Hæ .......ég er hér............á leið til Köben ;)
Er í Reykjavík og flyg í fyrramálið. :P
Ætli ritstíflan hér helgist ekki pínu pons af góðri matarlyst........:evil:
Já þetta er bara ekki hægt.
Ég er að lofa Ívari elsku að taka mig saman í andlitinu þegar ég kem heim aftur.
Ein vika og svo...........................

Ég verð, get og skal.....................
Heyrumst þá mínar yndislegu og dyggu.
Eigið góða viku stundir...............

vikan að klárast

Fri, 26 Jan 2007 10:32:39 GMT

Hæ yndisfríðar !
Ein hér MJÖG fegin því að það er að koma helgi.
Stefni á það að hvílast og safna orku...............finna út einhverjar pottþéttar afstressunarleið til að nýta í botn þessa helgi.
Það er bara staðreynd í mínu húsi að halda utan um mataræðið gengur svo miklu betur þegar hugurinn er ekki á fleygiferð í stressi og vitleysu.
Markmiðið er sem sagt bara eitt og nú er bara að standa við það.
Enda er það raunhæft og leysanlegt og skal takast.
Eigið yndirlag helgi dúllurnar mínar
:P:P:P

Dagur vonar

Thu, 25 Jan 2007 11:32:38 GMT

Hæ dúlls.
Ég er svona hálfdönsk þessa dagana :(
Er að vinda ofan af mér og taka til í stressaða kollinum mínum.
Þetta mjakast allt og mér finnst ég, svei mér þá, sjá til sólar annað slagið :o
Ekki spillir fyrir að ég var að fá fundarboð, á fund í Kaupmannahöfn.
Ætla að bæta við tveimur dögum og eiga fyrir sjálfa mig.
Ekki alveg ónýtt það.............eða hvað?
Kannski Krissa geti gefið mér góð tips varðandi skemmtilegheit í Köben á þessum tíma. Fer eftir viku......................
Eigið góðan dag þið fallegu konur og yndislegu :P

Stress..........

Wed, 24 Jan 2007 18:52:27 GMT

Hæ dúllur.
Þetta er ég, á lífi meira að segja. ;)
Mér er búið að ganga bæði upp og niður með mataræðið og bara allt í kringum mig.
Ég er ekkert veik, ekkert annað en sjálfskapað stress sem ég er að flækjast með.
Nú vona ég að fari að róast aðeins og maður fari að draga andann svona aðeins taktfastar.
Ég ætla ekkert að afsaka það að ég geti ekki haldið mig við skikkanlegt mataræði af því að ég hafi mikið að gera, heldur verð ég kærulausari þegar at er á mér.
Einhvern veginn ýti fyrirhyggjunni til hliðar og æði bara áfram þar til allt í einu....................eitthvað sætt :evil:
Svona er nú bara staða þess sem hrasar auðveldlega og þetta er auðvitað vandamálið.
Koma tímar og koma ráð. Ég verð að trúa því.
Þoli bara ekki þegar fötin í skápnum mínum fara að taka uppá því að hlaupa eins og um suðuþvott hafi verið að ræða.
ERGO = gerðu eitthvað í málinu kona, áður en þau hlaupa út úr húsinu :klikk:
Megi ykkar dagar vera gleðiríkir :P

Helgin liðin

Mon, 15 Jan 2007 09:43:43 GMT

Daginn, daginn !
Allt fínt að frétta. Gengur bara fínt og allir sáttir og sælir.
Náði að slappa verulega af um helgina. Bara verst hvað hún var fljót að líða.
Svo er bara allt að fara á kaf í snjó núna. Veturinn hefur ekki sleppt takinu, enda kannski full fljótt að óska þess.
Ívar biður að heilsa ykkur.
Eigið yndislegan dag................
knús